ნაციონალური მოძრაობის ყრილობა მუშაობას აგრძელებს. ამ დროისათვის მონაწილეებს პარტიის სხვა თვალსაჩინო სახეებთან ერთად სიტყვით მიმართეს გრიგოლ ვასაძემ და რომან გოცირიძემ.
გრიგოლ ვაშაძე (ნაციონალური მოძრაობის წევრი, საგარეო საქმეთა ყოფილი მინისტრი): "ქელეხს გვიმზადებდნენ და დაბადების დღე გამოუვიდათ. ეს იმიტომ, რომ სიმართლე არის თქვენს მხარეზე, იმიტომ, რომ თქვენ მიშასთან ერთად გადააქციეთ კორუფციით და კრიმინალით განადგურებული ქვეყანა, თანამედროვე სახელმწიფოდ. თქვენს დაწესებულ დროშას წევენ დღეს, თქვენ შემოღებულ ჰიმნს მღერიან, თქვენ დატოვებულ ბიუჯეტს ხარჯავენ, თქვენი შექმნილი პოლიცია იცავთ, მაგრამ ეს ყველაფერი წარსულია და ამით თავი არ უნდა დავიმშვიდოთ, ჩვენ მეტი უნდა გაგვეკეთებინა,“- განაცხადა ვაშაძემ.
მან თხოვნით მიმართა ყრილობას, მომავალ პოლიტსაბჭოს დაევალოს პროგრამის შემუშავება დასამტკიცებლად, თუ რას გააკეთებს პარტია ხელისუფლებაში დაბრუნების პირველ 30 დღეში.
ენმ ერთერთმა ლიდერმა, ფრაქცია ,,ნაციონალური მოძრაობის'' თავმჯდომარემ რომან გოცირიძემ თავის სიტყვაში ექსპრეზიდენტის მიერ გატარებულ რეფორმებზე ისაუბრა და განაცხადა, რომ მიხეილ სააკაშვილი ქვეყანაში განვითარების სულის ჩამდგმელია. ეს არის ახალი საქართველო, რომელიც შექმნა ამ დარბაზში მსხდომმა თითოეულმა თქვენგანმა, ეს არის საქართველო, რომელსაც საფუძველი ჩაუყარა იმ უმძიმეს პერიოდში ერთიანმა ნაციონალურმა მოძრაობამ. თქვენ ხართ ამ წარმატებული ისტორიის მონაწილეები.
"სამარცხვინოა და ხელისუფლების დანაშაულია ის, რომ ამ წარმატების სულის ჩამდგმელი და მთავარი შემოქმედი ახლა ათასობით კილომეტრით დაშორებული სკაიპთან ზის და უყურებს ამ დარბაზს.
"მოგესალმები მიშა! ვიცი რომ შენ ახლა ჩვენთან ხარ, ჩვენ შენს გვერდით ვართ და გისურვებთ სულ მალე დაბრუნებას იმ საქართველოში, რომელსაც შენ სახე შეუცვალე და გახადე ისეთი, რომელსაც ჩვენ დღეს ვხედავთ," – განაცხადა რომან გოცირიძემ.