NDI აქვეყნებს კვლევის მეორე, პოლიტიკურ ნაწილს , რომელშიც საპარლამენტო არჩევნებსა და წინასაარჩევნო პერიოდზეც არის საუბარი.
გამოკითხულთა 18 პროცენტი მიიჩნევს, რომ 2012 წლის ოქტომბრის არჩევნების დროს უფრო მეტი ძალადობა იყო, ვიდრე 2016 წლის საპარლამენტო არჩევნების დროს.
რესპონდენტების 11%-ს კი მიაჩნია, რომ აღნიშნული მაჩვენებელი ორივე პერიოდში ერთნაირი იყო.
46%-ს კი მიაჩნია, რომ არც 2012 წლის საპარლამენტო არჩევნებზე და არც 2016 წლის საპარლამენტო არჩევნებზე ძალადობას ადგილი არ ჰქონია.
შეკითხვაზე პასუხი „არ ვიცი“ რესპონდენტების მხოლოდ 13%-მა დააფიქსირა.
კვლევის საველე სამუშაოები ჩატარდა 4 ნოემბერი – 4 დეკემბრის პერიოდში, საქართველოს მასშტაბით (ოკუპირებული ტერიტორიების გამოკლებით), 3 ათას 141 პირისპირ ინტერვიუს წარმომადგელობითი შერჩევის საფუძველზე.
კვლევის შედეგების ცდომილება 1.8 %-ია.