წალენჯიხაში, ქალაქის ერთ-ერთ ქუჩაზე ხის საცხოვრებელი სახლი დაიწვა. შემთხვევის შედეგად არავინ დაშავებულა. მეზობლების ინფორმაციით, ოჯახში, სადაც მცირეწლოვანი ბავშვი ყავთ, ეკონომიურად უჭირთ. ისინი დროებით თბილისში ცხოვრობენ . ცეცხლი, სავარაუდოდ, მოკლე ჩართვამ გამოიწვია.
უკვე მეორე დღეა წალენჯიხის მუნიციპალიტეტის სოფელ ჩქვალერის ტყის მასივში არსებული ხანძრის კერების ლოკალიზება მიმდინარეობს. ადგილზე სახანძრო სამაშველო სამსახურისა და სატყეოს თანამშრომლები მუშაობენ. ადგილობრივების განცხადებით, დასახლებულ პუნქტზე ცეცხლის გავრცელების საშიშროება არ არსებობს.
ბოლო მონაცემებით, ხანძრის კერები ლიკვიდირებულია სამეგრელოს ოთხივე მუნიციპალიტეტში. მაშველებმა და ადგილობრივებმა ზუგდიდში, წალენჯიხაში, მარტვილსა და ჩხოროწყუში ხანძრის ყველა კერის ჩაქრობა მოახერხეს. სამეგრელოში დამწვარია წიწვოვანი ტყეები, სახნავ-სათესი სავარგულები, თხილნარი და დამხმარე ნაგებობა. ცეცხლის კერების გაჩენის სავარაუდო მიზეზად დაუდევრობა სახელდება.