“ლელოს” სამეგრელოს რეგიონულ ორგანიზაციაში ანაკლიაში არსებულ ეკოლოგიურ ვითარებაზე სპეციალური ბრიფინგი გაიმართა. რეგიონული ორგანიზაციის თავმჯდომარის ალექსანდრე ახვლედიანის თქმით, პასუხისმგებლობა ამ საკითხზე ხელისუფლებას ეკისრება. დაუსრულებელი სამუშაოები პორტის ტერიტორიაზე იმის შედეგია, რომ ხელისუფლებამ კონსორციუმთან ხელშეკრულება გაწყვიტა. ახვლედიანის თქმით, კონსორციუმი უკვე ვეღარ შედის ტერიტორიაზე და ვერ შეასრულებს მეორე ეტაპის სამუშაოებს, რა დროსაც ზღვიდან ამოღებული ქვიშის კონსერვაცია უნდა მომხდარიყო. ღიად დატოვებული ქვიშის მასა ქარიან ამინდში მოსახლეობის საცხოვრებელ სახლებს ანადგურებს და როგორც ადგილობრივები ამბობენ, სიცოცხლისთვის საშიშია და ონკოდაავადებებს იწვევს.
ბრიფინგზე იმყოფებოდა “ანაკლიის განვითარების კონსორციუმის” წარმომადგენელი სოფო შამუგია, რომელმაც მდიასთან კომენტარი გააკეთა. მისი თქმით, ზღვიდან ამოტუმბული 5 მილიონი კუბური მეტრი ქვიშა გრუნტის გასამყარებლად დაიყარა, სადაც შემდგომ ნარგავები დაირგვებოდა, თუმცა, მთავრობის მხრიდან ხელშეკრულების შეყვეტამ სავალალო შედეგი გამოიღო.
მთავრობამ “ანაკლიის განვითარების კონსორციუმთან” 2016 წლის 3 ოქტომბერს დადებული ხელშეკრულება 2020 წლის იანვარში გაწყვიტა.