,,ნაციონალური მოძრაობის'' ერთერთი ლიდერი ნინო კალანდაძე მედიასთან საუბარში დღევანდელ ბრიფინგზე ყოფილი თანაგუნდელების მიერ გაკეთებულ განცხადებებს აფასებს.
,,ნამდვილად ველოდი, რომ ჩვენი თანაგუნდელები ადრე თუ გვიან ჩვენს პარტიას დატოვებდნენ, მაგრამ არ ველოდი, რომ დატოვებდნენ ასე უღირსად.
ჩემთვის მოულოდნელია, როდესაც ფუძნდება თითქოს ახალი ოპოზიციური პარტია, რომელიც ეფექტურად უნდა შეებრძოლოს ივანიშვილის რეჟიმს, არამცთუ საუბრობს ამ მტერზე, არამედ მთელ გამოსვლას ახალ პოლიტიკურ ასპარეზზე უძღვნის ,,ნაციონალური მოძრაობის'' – მათივე პარტიის, ყოფილი თანაგუნდელებისა და პარტიის დამფუძნებლის კრიტიკას.
ეს არის ძალიან სიმპტომატური. ამით არსებითად არაფერი შეიცვლება, გარდა იმისა, რომ ეს პოლიტიკური ძალა ამთავითვე თავად იზიანებს თავს.
,,ნაციონალური მოძრაობა'' გააგრძელებს ფუნქციონირებას ბევრად უფრო ძლიერად, ვიდრე ეს აქამდე იყო, ,,ნაციონალური მოძრაობა ''რჩება ერთადერთ ძალად, ერთადერთ ალტერნატივად, რომელსაც შეუძლია დაამარცხოს ივანიშვილი და ქვეყანა დააბრუნოს აღმშენებლობის გზაზე.
20 იანვარს ეს სულისკვეთება კიდევ უფრო მეტი სიმტკიცით და სიძლიერით გაფორმდება'' – აცხადებს ნინო კალანდაძე