ბარძემიშვილების ოჯახი ერთ-ერთია მათ შორის, ვინც  სოციალური დახმარების ხარჯზე ცხოვრობს. მრავალშვილიან ოჯახში ყველაზე უმცროსი 2 წლამდე ასაკისაა. დედა ამბობს, რომ რამდენიმე თვეში ბავშვს იმ 150 ლარიან დახმარებასაც მოუხსნიან რომელსაც სახელმწიფოსგან იღებს. უკიდურესად გაჭირვებულ ოჯახში არარის ელემენტარული საცხოვრებელი პირობები. ლოგინი და სარეცხი მანქანა კეთილმა ადამიანებმა აჩუქეს, თუმცა ეს საკმარისი არ აღმოჩნდა.

ოჯახის მცირე შემოსავალი ბავშვების საკვებისთვის არ ჰყოფნით.  როგორც ლორიტა ქობალია ამბობს, მერიას დახმარებისთვის მიმართეს. ოჯახი უფასო სასადილოთი სარგებლობას ითხოვს, თუმცა დღემდე ლოდინის რეჟიმში არიან. მერიაში განმარტავენ, რომ ოჯახი ამ ეტაპზე უფასო სასადილოს პროგრამით ვერ ისარგებლებს, რადგან კვოტა შევსებულია. სანამ ბარძემიშვილების ოჯახი უფასო სასადილოთი სარგებლობას შეძლებს, დღეების გადატანა ზოგჯერ ცარიელ პურზე უწევთ. დევნილთა სამმართველოს მიერ გაცემული სოციალური დახმარება მრავალშვილიანი ოჯახისთვის მწირია.  იუნისეფის საგანგაშო კველევის თანახმად უკიდურეს სიღარიბეში ცხოვრობს დაახლოებით 50 ათასი ბავშვი, ხოლო ზოგად სიღარიბეში დაახლოებით 202 ათასი ბავშვი.ბავშვთა სიღარიბეზე საუბარია სახალხო დამცველის 2017 წლის ანგარიშშიც. ყურადღება გამახვილებულია იმაზე, რომ საქართველოში 150 186 არასრულწლოვანია საარსებო შემწეობის მიმღები. კვლევის თანახმად 50 ათასზე მეტი ბავშვი, ფაქტობრივად, შიმშილობს და მოკლებულია ჯანდაცვის, განათლებისა და მომავლის შექმნის პერსპექტივას.