თბილისში, ბალანჩივაძის ქუჩაზე, პრეზიდენტის სიძესთან, მინდია გოგოჭურთან ერთად დაჭრეს მისი მეგობარიც. ინფორმაცია ამის შესახებ შს სამინისტროს საზოგადოებასთან ურთიერთობის სამსახურში დაადასტურეს და განაცხადეს, რომ ამ შემთხვევაშიც ძიება სისხლის სამართლის კოდექსის 118-ე და 236-ე მუხლებით დაიწყო, რაც ჯანმრთელობის განზრახ ნაკლებად მძიმე დაზიანებასა და ცეცხლსასროლი იარაღის უკანონო შეძენა-შენახვა-ტარებას გულისხმობს.დაშავებულები რესპუბლიკურ საავადმყოფოში არიან მოთავსებული, თუმცა მათი ჯანმრთელობის მდგომარეობის შესახებ კომენტარს ექიმები არ აკეთებენ. შინაგან საქმეთა სამინისტრომ გამოძიება მომხდართან დაკავშირებით სისხლის სამართლის კოდექსის 2 მუხლით უკვე დაიწყო.