სოფელ ჭკადუაშში დადიანების მემკვიდრე მიურატებს მიწის დაკანონება სურთ. საუბარია რამდენიმე ჰექტარ მისის ფართობზე, რომლის ნაწილიც, “შატო მუხრანის” მენეჯერის სვეტა ქირიას ინფორმაციით, ეკონომიკის სამინისტროს საკუთრებაშია, ნაწილის მესაკუთრედ კი არავინაა დარეგისტრირებული. როგორც ალან და ვერონიკა მიურატები ამბობენ, ამ ადგილის ტურისტულად მოწყობა სურთ, ამისთვის კი სჭირდებათ, რომ მიწა, რომელიც მათივე თქმით, მათი მემკვიდრეობაა, ოფიციალურად ეკუთვნოდეთ. მიურატების თქმისთ, ამის შესახებ არაერთხელ აცნობეს ადგილობრივი თუ ცენტრალური ხელისუფლების წარმომადგენლებს და საქართველოს პრეზიდენტსაც ესაუბრნენ, თუმცა მიწის გადმოცემის პროცესი ჭიანურდება. “ეს სასახლე სამეგრელოს ისტორიაა. სოფელში ძალიან ვუყვარვართ და ჩვენც გვიყვარს აქაურობა. გვინდა გავარემონტოთ აქაურობა, გავაშენოთ ვენახი… აქედან ყველაზე ლამაზი პეიზაჟებია აფხაზეთის, სვანეთის…”,-ამბობს პრონცესა ვერონიკამ. მიურატები ჭკადუაშში,სადაც მეთვრამეტე საუკუნეში აშენებული სახლი დგას, ბოლო რამდენიმე წელია ცხოვრობენ. მათივე თქმით, ახლა ადგილზე ყველაფერი, რაც სტუმრებს ხვდება, სწორედ მიურატების მონდომებითა და ფინანსებით გაკეთდა.