შინაგან საქმეთა სამინისტროს ცნობით, თბილისში, ნუცუბიძის პლატოზე, საქართველოს პარლამენტის თავმჯდომარის საცხოვრებელი კორპუსის პირველ და მეორე სართულებს შორის ცეცხლსასროლი იარაღი აღმოაჩინეს.
სამინისტროს პირველადი ინფორმაციის თანახმად, იარაღი იპოვა სახელმწიფო დაცვის სპეციალური სამსახურის თანამშრომელმა და პოლიციას აცნობა. სამინისტროში აღნიშნავენ, რომ შეტყობინებას მოჰყვა სამართალდამცავების მყისიერი რეაგირება.
გამოძიება დაიწყო ცეცხლსასროლი იარაღის უკანონო შეძენა-შენახვა-ტარების ფაქტზე, სისხლის სამართლის კოდექსის 236-2 მუხლის მე-3 და მე-4 ნაწილებით. გამოძიებას აწარმოებს თბილისის ვაკე-საბურთალოს სამმართველო. დანიშნულია შესაბამისი ექსპერტიზაც.
როგორც შინაგან საქმეთა სამინისტროში განაცხადეს, ტარდება ჩვეულებრივი საგამოძიებო მოქმედებები და პარლამენტის თავმჯდომარის საცხოვრებელ კორპუსთან სამართალდამცავთა განსაკუთრებული მობილიზება არ აღინიშნება.
მათივე განმარტებით, რომ გავრცელებული ცნობა იმის შესახებ, რომ ადგილი ჰქონდა არჩილ თალაკვაძის საცხოვრებელ ბინაში შეღწევის მცდელობის ფაქტს, სიმართლეს არ შეესაბამება .”ოჯახში სიმშვიდეა”, – აცხადებენ უწყების პრესცენტრში