ამ კვირაში უკვე მესამე შემთხვევაა, როდესაც ამომღები კომპანიები უკავშირდებიან ადამიანებს იმ ვალების ამოღებაზე რომელიც წესით ქართუ ფონდმა გაანულა vali.ge -ს საიტით” – წერს ადვოკატი მარიკა არევაძე, რომელიც წარმოადგენს საადვოკატო ჯგუფს, რომელიც მსესხებელთა ინტერესებს იცავს – ერთი შემთხვევა უკვე სასამართლოშია, ანუ ქართუ ფონდის მიერ განულებულ სესხზე სარჩელი სასამართლოშია გამსესხებლის მიერ შეტანილი; ორი შემთხვევა ჯერ სატელეფონო კონტაქტის დონეზეა

ადვოკატი ამბობს, რომ მას მოქალაქეები მიმართავენ და სთხოვენ დახმარებას „განულებულ“ სესხებთან დაკავშირებით, რომელიც განულებული არ აღმოჩნდა. ფონდი „ქართუ“, რომელიც 2018 წლის დეკემბერში, წინასაარჩევნო პერიოდში, ჭარბვალიანობასთან ბრძოლის მიზნით მოქალაქეებს ვადაგადაცილებული სესხების გაუქმებას ჰპირდებოდა, ამბობს, რომ ყველა პირობა შეასრულა და ყველა ის ვალი, რომელიც საფინანსო ორგანიზაციებმა შესასყიდად გადასცეს, განულებულია.

ფინანსთა სამინისტრო ამბობს, რომ ის ამ პროცესში ჩართული არ იყო და ამ პროცესს ორი მხარე ჰყავდა: ფინანსური ორგანიზაციები და ფონდი „ქართუ“.

ამრიგად ისმის კითხვა: რამდენად შესრულდა პირობა ვადაგადაცილებული სესხების დაფარვის შესახებ და რა რისკებს შეიცავდა ეს პროგრამა.

„ აქ რაღაცაშია საქმე: ან „ქართუ“ ფონდი ბლეფაობს (უკიდურესად დაბალ ფასად გამოისყიდა სესხები, ხალხს უთხრა, რომ გაგინულეო და, სინამდვილეში, არც არაფერი მომხდარა), ან გამსესხებლებმა, მიუხედავად პორტფელის გაყიდვისა, ხელახლა დაიწყეს განულებული სესხების ამოღება.

აი ასე : საარჩევნო პერიოდმა გაიარა და განულებული სესხები გაცოცხლდა

ამასობაში vali.ge-ს საიტი აღარ არსებობს მისი შექმნისას უკვე ცნობილი იყო, რომ ის ხანმოკლედ იმუშავებდა და 2019 წლის დასაწყისისთვის არსებობას შეწყვეტდა. დომენის მფლობელი კვლავ „ქართუ“ ფონდია, საიტზე არსებული მონაცემები კი მომხმარებლებისთვის, მათ შორის მათთვისაც, ვისთვისაც ვალის დაფარვის ერთადერთი დასტური ამ საიტზე არსებული მონაცემები იყო, ხელმისაწვდომი აღარ არის და განულების ცნობაც კაციშვილს არ აქვს!!!! “ – დაწერა ადვოკატმა მარიკა არევაძემ 20 თებერვალს ფეისბუკის პირად გვერდზე.