მთავარისიახლეებიპოლიტიკა„დატოვე პარლამენტი ქუთაისში“ - საპროტესტო აქცია სამოქალაქო მოძრაობისა და ოპოზიციური...

„დატოვე პარლამენტი ქუთაისში“ – საპროტესტო აქცია სამოქალაქო მოძრაობისა და ოპოზიციური პოლიტიკური პარტიების წარმომადგენლების მონაწილეობით

Published on

„ქუთაისის პოლიტიკური ძარცვა“, – ასე უწოდეს მთავრობის გადაწყვეტილებას, პარლამენტის ყოფილი შენობის შესაძლო გაყიდვის შესახებ, ქუთაისში საქართველოს პარლამენტის ყოფილ შენობასთან გამართული აქციის მონაწილეებმა.

22 თებერვალს აქცია გაიმართა სამოქალაქო მოძრაობის, „დატოვე პარლამენტი ქუთაისში“, ორგანიზებით. მას შეუერთდნენ არასამთავრობო ორგანიზაციებისა და ოპოზიციური პოლიტიკური პარტიების წარმომადგენლები.

აქციის მონაწილეთა განცხადებით, „ქართული ოცნების“ ხელისუფლება და პირადად ბიძინა ივანიშვილი მიზანმიმართულად ებრძვიან ქუთაისის განვითარებისა და ქვეყნის დეცენტრალიზაციის პერსპექტივას.

„პარლამენტის ქუთაისიდან გადატანა და შენობის გაყიდვა ნიშნავს, რომ ქალაქი მთლიანად კარგავს შინაარსს“, – განაცხადა პოლიტიკური გაერთიანება „ლელოს“ წევრმა მიხეილ მუმლაძემ. „სამოქალაქო მოძრაობის“ წარმომადგენლის ზეინაბ ხაჩიძის განცხადებით კი, შენობა საპარლამენტო მუშაობისთვისაა შექმნილი და მასში სხვა უწყების განთავსება მიუღებელია.

ქუთაისში, პარლამენტის შენობის შენარჩუნების მოთხოვნით გამართულ აქციაზე მისულმა “თავისუფალი საქართველოს” წევრმა, გოგი წულაიამ განაცხადა, რომ პარლამენტის შენობის გაყიდვა ქალაქისთვის ბოლო იმედის წართმევაა.

“ისედაც მომაკვდავ, დაბეგვილ, ნაცემ ქალაქს ამ იმედსაც რომ წაართმევ, ხარ უზნეო და ფეხებზე გკიდია საერთოდ რეგიონები, ქალაქები და ა.შ”, – განაცხადა წულაიამ.

ქუთაისში, პარლამენტის შენობა 2019 წლის იანვრიდან დაიცალა და საკანონმდებლო ორგანომ მუშაობა თბილისში გააგრძელა.

ქუთაისში მდებარე საქართველოს პარლამენტის გაყიდვის შესახებ   ჟურნალისტებთან განაცხადა პრემიერ-მინისტრმა გიორგი გახარიამ და დასძინა, რომ ეკონომიკის სამინისტრომ პროცესი უკვე დაიწყო.

სიახლეები

ჟურნალისტ ელისო კილაძეს 10-წლიანი პატიმრობა მიესაჯა

ჟურნალისტ ელისო კილაძეს 10-წლიანი პატიმრობა მიესაჯა გადაწყვეტილება თბილისის საქალაქო სასამართლოში გამოცხადდა დღევანდელ სასამართლო პროცესზე დასკვნითი სიტყვის...

უსმან ნურმაგომედოვი და მისი თანაგუნდელები აბუ-დაბის ციხიდან გაათავისუფლეს

დაღესტნელი მებრძოლი უსმან ნურმაგომედოვი და მისი გუნდის წევრები არაბთა გაერთიანებულ საამიროების ციხიდან გაათავისუფლეს, -...

ევროკავშირმა რუსეთის წინააღმდეგ სანქციები გააფართოვა

ევროკავშირმა რუსეთის წინააღმდეგ სანქციების სია გააფართოვა. ახალი შეზღუდვები 12 ფიზიკურ პირსა და 101 ორგანიზაციას...

ევროკავშირმა უკრაინისთვის €8 მილიარდის გადარიცხვა დაამტკიცა

ევროკავშირის საბჭომ Ukraine Facility-ს პროგრამის ფარგლებში კიევისთვის თითქმის 8 მილიარდი ევროს გადარიცხვა დაამტკიცა, რაც...