პენიტენციური დაწესებულება ე.წ. მატროსოვის ციხე თითქმის, 7-წლიანი პატიმრობის შემდეგ ყოფილმა პრემიერმა და შინაგან საქმეთა მინისტრმა ვანო მერაბიშვილმა დატოვა.
ყოფილი მინისტრი 2013 წელს დააკავეს. ის სასჯელს რამდენიმე საქმეზე იხდიდა, მათ შორის, 2011 წლის 26 მაისის აქციის დარბევის, სანდრო გირგვლიანის საქმეზე მტკიცებულებების დამალვის, ვალერი გელაშვილის მიმართ ფიზიკური ანგარიშსწორების, კვარიათის აგარაკისა და ამომრჩევლის მოსყიდვის საქმეზე.
ვანო მერაბიშვილის წინააღმდეგ ამჟამად, სასამართლოში საქმის განხილვა მიმდინარეობს 7 ნოემბრის აქციის დარბევისა და ტელეკომპანია “იმედში” შეჭრაზე.