საქართველოს გერმანიაში მცხოვრები მოქალაქეები აცხადებენ, რომ ბოლო რამდენიმე დღეა, დეპორტაციამ სისტემატიური ხასიათი მიიღო. მათ აიძულებენ, ყოველგვარი ახსნა-გამარტების გარეშე დატოვონ ტერიტორია. დეპორტირებულთა შორის არიან საოპერაციოდ გამზადებული პაციენტები.
ემიგრანტების ინფორმაციით, მასობრივი დეპორტაცია სალომე ზურაბიშვილის განცხადებებს უკავშირდება.ოდიკაძეების ოჯახის თქმით, მათ 3 წლის შვილს გერმანიაში გადაუდებელი ოპერაცია უნდა ჩატარებულიყო. თბილისიდან გაფრენილმა ლაინერმა კი ისინი უკან დააბრუნა.
“საქართველოში ექიმები იმედს ვერ გვაძლევდნენ, გერმანიაში ოპერაცია დააფინანსეს. ექიმი გვპირდებოდა, რომ 1 ოპერაციის შემდეგ ბავშვი ითამაშებდა და ირბენდა. დეპორტაციის გამო ბავშვს ოპერაცია ვერ გაუკეთდა” – აცხადებს ბავშვის დედა ნიუ პოსტთან საუბარში