„საჭადრაკო ფესტივალი - 2016“ სწრაფ ჭადრაკში დასრულდა

ზუგდიდის საჭადრაკო სკოლაში დასრულდა საახალწლო შეჯიბრება – „საჭადრაკო ფესტივალი – 2016“ სწრაფ ჭადრაკში. ფესტივალის პროგრამის ფარგლებში გაიმართა ღია და 11 წლამდე ასაკობრივი ტურნირი. მასში 70-მდე მოჭადრაკემ მიიღო მონაწილეობა.ღია ტურნირში ორმა მოჭადრაკემ დააგროვა 9 შესაძლებლობიდან 8-8 ქულა. უკეთესი დამატებითი მაჩვენებლით პირველი ადგილს დაეუფლა ცოტნე ქვარცხავა, მეორე ადგილი დაიკავა გიორგი კუხალეიშვილმა. მესამე ადგილზე გუბაზ ქუხილავა გავიდა. გოგონათა შორის პირველი ადგილი მარიამ საჯაიამ დაიკავა. მოყვარულ მოჭადრაკეთა შორის რამაზ ახალაიამ გაიმარჯვა; 11 წლამდე ასაკობრივ ტურნირში პირველი ადგილი დაიკავა ნიკოლოზ შამათავამ. მეორე-მეხუთე ადგილები 7-7 ქულით გაიყო ოთხმა მოჭადრაკემ. დამატებითი მაჩვნებლით ჭაბუკთა შორის მეორე ადგილი დაიკავა გოგონათა შორის გამარჯვებულმა ნინიკო შარიამ, მესამე ადგილს დათო შედანია დასჯერდა.პრიზიორები დაჯილდოვდნენ ქ. ზუგდიდის „სპორტის განვითარების ცენტრი“-ს მიერ დაწესებული თასებით, მედლებით და დიპლომებით.

„საჭადრაკო ფესტივალი – 2016“ სწრაფ ჭადრაკში დასრულდა

სიახლეები

ეროვნული ბანკის მმართველო საბჭოს წევრის, ნანა ყეინიშვილის წინააღმდეგ ახალი გამოძიება დაიწყო

ევროპარლამენტმა საქართველოს შესახებ კრიტიკული რეზოლუცია მიიღო

სეს-მა დიდუბის მეტროსთან მდებარე რამდენიმე საზოგადოებრივ კვების ობიექტს საწარმოო პროცესი შეუჩერა

პროპაგანდისტულმა „იმედმა“, „რუსთავი 2“-მა, POSTV-იმ და „მაესტრომ“ 2025 წელი ჯამში, 75.97 მილიონი ლარის ზარალით დაასრულეს