უზენაესი სასამართლოს განაჩენი გიგი უგულავას საქმეზე იწვევს კითხვებს და შეშფოთებას, – ამის შესახებ ლატვიის საგარეო საქმეთა მინისტრი ედგარს რინკევიჩი სოციალურ ქსელ “ტვიტერზე” წერს.
როგორც რინკევიჩი წერს, სასამართლო სისტემის დამოუკიდებლობა და კანონის უზენაესობა საქართველოს ევროპული კურსის უმნიშვნელოვანესი შემადგენელი ელემენტებია.
“საქართველოს უზენაესი სასამართლოს განაჩენი გიგი უგულავას საქმეზე იწვევს კითხვებს და შეშფოთებას. ამის გარშემო არსებული გარემოებები ხელს არ უწყობს პოლიტიკური დიალოგის პროცესის წინსვლას. სასამართლო სისტემის დამოუკიდებლობა და კანონის უზენაესობა საქართველოს ევროპული კურსის უმნიშვნელოვანესი შემადგენელი ელემენტებია”,-წერს რინკევიჩი.