ბოლო პერიოდში სააფთიაქო ქსელებში მედიკამენტებზე ფასების ზრდას განსაკუთრებით პენსიონერები და მედიკამენტებზე მუდმივად დამოკიდებული ადამიანები უჩივიან. ისინი ჩვენ გადამღებ ჯგუფთან საუბარში განმარტავენ, რომ მათ შემოსავალი მთლიანად აფთიაქებში რჩებათ. სააფთიაქო სქელების წარმომადგენლები მედიკამენტებზე ფასების ზრდას ადასტურებენ, თუმცა კამერასთან კომენტარის გაკეთებისგან თავს იკავებენ. პირად საუბარში რამდენიმე მათგანმა აღნიშნა, რომ ფასები 10 -დან 15 % -ის ფარგლებში დაკორექტირდა, რაც ძირითადად ლარის კურსის ცვლილებებით არის განპირობებული.