ვისთვის  აპირებს ზუგდიდის მუნიციპალიტეტის მერია 20 ხორცსაკეპი მანქანის შეძენას?- კითხვას უწყებაში პასუხობენ, მათთვის გაუგებარია, რატომ გახდა ეს საქილიკო თემა. „ყოველ წელს სხვადასხვა დასახელების საჩუქრებს ვყიდულობთ, წელს ეს გადავწყვიტეთ, ორგანიზაციების მიერ წარდგენილ ქალბატონებს გადაეცემათ. 4 ათას ლარამდე ჯდება“- აცხადებს მერიის განათლების, კულტურის, ახალგაზრდულ საქმეთა და სპორტის სამსახურის  I რანგის – პირველადი სტრუქტურული ერთეულის უფროსი კობა ჯიქია.

მერიის ამ გადაწყვეტილებას სამოქალაქო აქტივისტები ეხმაურებან.„პროგრესის და განვითარების ეპოქაში როცა ქალები კოსმოსურ ექსპედიციებში მონაწილეობენ, როცა პოლიტიკას ქმინიან და კიდევ 1000 რამ, ხორცსაკეპი ? ამით დაგვცინით ? რა მესიჯს ატარებს ? რისი თქმა გინდათ ? ამაზე იფიქრეთ ? შარშან ბლენდერი ავიტანეთ და წინ წახვდით ხორცსაკეპით ?“- წერს სამოქალაქო აქტივისტი ციცინო შენგელია.

ხორცსაკეპებს მერია სარვამარტო ღონისძიებების ფარგლებში ტენდერით შეიძენს, რომლის ღირებულებაც 3 ათას 980 ლარია.