გავრცელებული ინფორმაცია იმის შესახებ, რომ ზუგდიდის თეატრის დირექტორთან კონფლიქტის გამო რამდენიმე მსახიობმა თეატრი დატოვა, ამ ფაქტს თეატრის წარმომადგენლები არ ადასტურებენ. თეატრის სამხატვრო ხელმძღვანელმა, ლაშა შეროზიამ ჩვენთან საუბარში განმარტა, რომ ორმა მსახიობმა, კოკა ხუბუტიამ და ირაკლი სამუშიამ განცხადება დაწერეს, თუმცა ადმინისტრაციას მათი განცხადება არ დაუკმაყოფილებია, „მათ მივეცით გარკვეული დრო მოსაფიქრებლად“. მსახიობ ზურაბ ლაშხიას თქმით, ყველა თეატრში ასე ხდება, მსახიობები მიდიან და მოდიან, ეს მხოლოდ მათი სურვილი და გადასაწყვეტია. მსახიობები ირაკლი სამუშია და კოკა ხუბუტია ზუგდიდის შალვა დადიანის სახელობის დრამატული თეატრის ყოფილი დირექტორის, ზურაბ ეგუტიას იგივე თანამდებობაზე დაბრუნებას აპროტესტებენ. ზუგდიდის თეატრის დირექტორად ზურაბ ეგუტია 2019 წლის დეკემბრის დასაწყისში დაინიშნა. მისი კანდიდატურა კულტურის სამინისტროს ახლადდანიშნულმა თეატრის სამხატვრო ხელმძღვანელმა, ლაშა შეროზიამ წარუდგინა.