ხურჩა-ნაბაკევის საზღვარზე მოკლული გიგა ოთხოზორიას მკვლელობაში ბრალდებული რაშიდ კანჯი ოღლის 12 წლით თავისუფლების აღკვეთა მიუსაჯეს. დაზარალებულის ოჯახის უფლებადამცველის იოსებ ხატიაშვილის თქმით, ისინი სტრასბურგის სასამართლოში რუსეთის წინააღმდეგ სარჩელის შეტანას გეგმავენ.რაშიდ კანჯი ოღლის სახაზინო ადვოკატს მთვარისა ბიგვავას გამოძიების მიმართ კითხვები აქვს. მან ჟურნალისტებთან საუბარში აღნიშნა, რომ სასამართლოზე მისი დაცვის ქვეშ მყოფის მაიდენტიფიცირებელი არცერთი უტყუარი მტკიცებულება არ ყოფილა წარმოდგენილი. მისივე განცხადებით, გამოძიებამ, ასევე ვერ შეძლო მკვლელობის მოტივის დადგენა, რაც არასრულყოფილ გამოძიებაზე მეტყველებს.
გიგა ოთხოზორია ე.წ. მესაზღვრემ 19 მაისს, დაახლოებით, 15:00 საათზე, ხურჩა-ნაბაკევის საზღვართან, საქართველოს მიერ კონტროლირებად ტერიტორიაზე ცეცხლსასროლი იარაღიდან გასროლით მოკლა.
.