მთავარისიახლეებისაზოგადოებახობში ახალგაზრდა მამაკაცის მიერ დაშავებული ქალი გარდაიცვალა

ხობში ახალგაზრდა მამაკაცის მიერ დაშავებული ქალი გარდაიცვალა

Published on

ხობში მომხდარი ინციდენტის დროს, დაშავებული ქალი დოდო კორტავა ქუთაისის ინტერვენციული მედიცინის ცენტრში,დღეს გამთენისას გარდაიცვალა. მედიკოსების თქმით, მისი ჯანმრთელობის მდგომარეობა შეყვანისთანავე უკიდურესად მძიმე იყო და მისი გადარჩენა პრაქტიკულად შეუძლებელი აღმოჩნდა. პაციენტს ქალა-ფუძის და სახის ძვლების მრავლობითი მოტეხილობა აღენიშნება.

შსს ინფორმაციით, ხობის სოფელ პირველ მაისში ახალგაზრდა მამაკაცმა, რომელიც ერთ-ერთ სახლში სტუმრად იმყოფებოდა ურთიერთ შელაპარაკების ნიადაგზე მასპინძელი მოკლა. ამის შემდეგ, ის მიმალვის მიზნით, მეზობლის სახლში გადავიდა და 75 წლის ქალს თავში ბლაგვი საგანი ჩაარტყა.

ზუგდიდის რაიონულმა სასამართლომ ხობის მუნიციპალიტეტის სოფელ პირველ მაისში მომხდარ მკვლელობასა და დაჭრაში ბრალდებულ ირაკლი აქირთავას აღკვეთის ღონისძიებად პატიმრობა შეუფარდა.

მოსამართლე შოთა ბიჭიამ სრულად დააკმაყოფილა პროკურორ დიმიტრი ხვიტიას შუამდგომლობა აღკვეთის ღონისძიებასთან დაკავშირებით. პროკურორ ხვიტიას თქმით, პატიმრობის შეფარდება დანაშაულის სიმძიმისა და ახალი დანაშაულის ჩადენის საფრთხის გამო მოითხოვა. ასევე, ხვიტიას თქმით, აქირთავა არ არის გაწონასწორებული პიროვნება და მას შეუძლია მხოლოდ შელაპარაკების გამო ჩაიდინოს დანაშაული.

როგორც სასამართლო სხდომაზე განაცხადა, ბრალდებულმა პოლიციას წინააღმდეგობაც გაუწია, რამაც, შესაძლოა, გამოიწვიოს ბრალის დამძიმება.

ბრალდებული ირაკლი აქირთავა დუმილის უფლებას იყენებს. მისი ადვოკატის გაცხადებით, აქირთავა თავს დამნაშავედ არ ცნობს. უფლებადამცველმა სასამართლოს აღკვეთის ღონისძიების სახით 5 000-ლარიან გირაოს ითხოვდა.

ირაკლი აქირთავას ბრალად სს კოდექსის 108-ე და 19-108-ე მუხლებით გათვალისწინებული დანაშაულებები ედება. მან ხობში საკუთარ ახლობელს მუცლის არეში ჭრილობები დანით მიაყენა, მეზობელ ქალს კი, ბლაგვი საგნით მიაყენა ჭრილობები. შედეგად, მამაკაცი საავადმყოფოში დაიღუპა.

სიახლეები

ჟურნალისტ ელისო კილაძეს 10-წლიანი პატიმრობა მიესაჯა

ჟურნალისტ ელისო კილაძეს 10-წლიანი პატიმრობა მიესაჯა გადაწყვეტილება თბილისის საქალაქო სასამართლოში გამოცხადდა დღევანდელ სასამართლო პროცესზე დასკვნითი სიტყვის...

უსმან ნურმაგომედოვი და მისი თანაგუნდელები აბუ-დაბის ციხიდან გაათავისუფლეს

დაღესტნელი მებრძოლი უსმან ნურმაგომედოვი და მისი გუნდის წევრები არაბთა გაერთიანებულ საამიროების ციხიდან გაათავისუფლეს, -...

ევროკავშირმა რუსეთის წინააღმდეგ სანქციები გააფართოვა

ევროკავშირმა რუსეთის წინააღმდეგ სანქციების სია გააფართოვა. ახალი შეზღუდვები 12 ფიზიკურ პირსა და 101 ორგანიზაციას...

ევროკავშირმა უკრაინისთვის €8 მილიარდის გადარიცხვა დაამტკიცა

ევროკავშირის საბჭომ Ukraine Facility-ს პროგრამის ფარგლებში კიევისთვის თითქმის 8 მილიარდი ევროს გადარიცხვა დაამტკიცა, რაც...