ზუგდიდის განახლებული ბოტნიკური ბაღი წყლის გუბეებით ივსება.
ზუგდიდის მერიაში აცხადებენ, რომ ბაღში არსებულ გუბეებთან დაკავშირებით საქმის კურსში არიან და მის მოგვარებაზე აქტიურად მუშაობენ. “ზუგდიდის ბოტანიკურ ბაღში სხვადასხვა ლოკაციაზე გაჩენილ წყლის გუბეებთან დაკაშირებით ზუგდიდის მუნიციპალიტეტის მერია შესაბამისი სფეროს სპეციალისტებთან ერთად საკითხს დეტალურად შეისწავლის და აღნიშნულ პრობლემას უახლოეს მომავალში მოაგვარებს.”- უთხრეს “ოდიშინიუსს” მერიაში.
ზუგდიდის განახლებული ბოტანიკური ბაღი 2019 წლის დეკემბერში გაიხსნა. ბაღის რეკონსტრუქცია 2018 წლის თებერვალში დაიწყო. პროექტი მსოფლიო ბანკმა ადგილობრივი ბიუჯეტის თანამონაწილეობით დააფინანსა, მთლიანად ბაღის რეკონსტრუქციის სამუშაოები 12 მილიონი ლარი დაჯდა.