თბილისში, ზესტაფონის ქუჩაზე მიმდინარე მშენებლობიდან ორი მუშა გადმოვარდა, მათგან ერთი დაიღუპა, მეორე კი საავადმყოფოშია გადაყვანილი. საგანგებო სიტუაციების მართვის სამსახურში ამ ეტაპზე დამატებით ინფორმაციას არ ფლობენ.
შინაგან საქმეთა სამინისტრომ გამოძიება სისხლის სამართლის კოდექსის 240-ე მუხლით დაიწყო, რაც სამშენებლო სამუშაოებზე უსაფრთხოების წესის დარღვევას გულისხმობს და 2 წლამდე პატიმრობით ისჯება.