მთავარისიახლეებიპოლიტიკაშოთაძე, ივანიშვილი-ჩხარტიშვილი-ხაზარაძის შეხვედრაზე დასწრებას ადასტურებს, თუმცა ამბობს, რომ იქ შემთხვევით მოხვდა

შოთაძე, ივანიშვილი-ჩხარტიშვილი-ხაზარაძის შეხვედრაზე დასწრებას ადასტურებს, თუმცა ამბობს, რომ იქ შემთხვევით მოხვდა

Published on

საპროკურორო საბჭოში გენერალური პროკურორობის კანდიდატთან გასაუბრება მიმდინარეობს.  საბჭოს წევრები უკვე რამდენიმე საათია ყოფილ მთავარ პროკურორს ირაკლი შოთაძეს უსმენენ.

შეხვედრა დატოვა ოთარ კახიძემ. ოპოზიციის წარმომადგენელი შეხვედრას მას შემდეგ აღარ ესწრება, რაც ირაკლი შოთაძემ უპასუხა მის მიერ დასმულ კითხვას და დაადასტურა “თიბისი” ბანკის დამფუძნებლის განცხადება, რომ ივანიშვილი-ჩხარტიშვილი-ხაზარაძის შეხვედრაზე ნამდვილად იმყოფებოდა. შოთაძის განცხადებით, ის შეხვედრას მოქმედი გენერალური პროკურორის რანგში არ დასწრებია და იქ შემთხვევით მოხვდა.

“ივანიშვილთან გაიმართა გარკვეული თათბირი, სადაც ესწრებოდა ბატონი მამუკა ხაზარაძე და ესწრებოდით თქვენ, მოქმედი პროკურორის რანგში, ადასტურებთ, რომ ნამდვილად ესწრებოდით?” – მიმართა კითხვით ოთარ კახიძემ გენერალური პროკურორობის კანდიდატს.

“დიახ, ვადასტურებ, ოღონდ მთავარი პროკურორის რანგში არ ვესწრებოდი. დაემთხვა ისე, რომ სწორედ ამ პერიოდში, როდესაც შეხვედრა უნდა ჰქონოდათ ბატონ ბიძინა ივანიშვილთან, მე აღმოვჩნდი იქ. შესაბამისად, შეიქმნა უხერხულობა და მე უბრალოდ დავესწარი. ამ შეხვედრაზე რომ გაჟღერებულიყო ისეთი რამე, ან მომხდარიყო ისეთი ფაქტი, რომ ჩემი იქ დასწრება მიზანშეუწონელი იქნებოდა, მე დავტოვებდი ამ შეხვედრას. საუბარი იყო დავის საგანზე, სამოქალაქო დავაზე.

მე ვიყავი მთავარი პროკურორი, ვიყავი პირად საკითხზე ბატონ ბიძინა ივანიშვილთან, ეს იყო კერძო შეხვედრა, რომელიც ეხებოდა გარკვეულ პროექტს, რომლის განხორციელებასაც ვფიქრობდი. შესაბამისად, მე ამ შეხვედრაზე არანაირი სტატუსით არ ვესწრებოდი და მოვხვდი შემთხვევით, შეხვედრაში არანაირი მონაწილეობა არ მიმიღია და ხმაც არ ამომიღია,”- განაცხადა გენერალური პროკურორობის კანდიდატმა. შოთაძის თქმით, შეხვედრაზე ივანიშვილმა მიიპატიჟა.

ივანიშვილთან გამართულ შეხვედრაზე ხაზარაძემ რამდენიმე თვის წინ ისაუბრა. მისი თქმით, რამდენიმე წლის წინ,  სოლოლაკის რეზიდენციაში შეხვდა “ქართული ოცნების” ლიდერ ბიძინა ივანიშვილსა და ბიზნესმენ ვანო ჩხარტიშვილს. მისივე თქმით, შეხვედრას ესწრებოდა იმდროინდელი მთავარი პროკურორი ირაკლი შოთაძე. ხაზარაძემ ამ შეხვედრას “პატარა სასამართლო” უწოდა.

სიახლეები

ჟურნალისტ ელისო კილაძეს 10-წლიანი პატიმრობა მიესაჯა

ჟურნალისტ ელისო კილაძეს 10-წლიანი პატიმრობა მიესაჯა გადაწყვეტილება თბილისის საქალაქო სასამართლოში გამოცხადდა დღევანდელ სასამართლო პროცესზე დასკვნითი სიტყვის...

უსმან ნურმაგომედოვი და მისი თანაგუნდელები აბუ-დაბის ციხიდან გაათავისუფლეს

დაღესტნელი მებრძოლი უსმან ნურმაგომედოვი და მისი გუნდის წევრები არაბთა გაერთიანებულ საამიროების ციხიდან გაათავისუფლეს, -...

ევროკავშირმა რუსეთის წინააღმდეგ სანქციები გააფართოვა

ევროკავშირმა რუსეთის წინააღმდეგ სანქციების სია გააფართოვა. ახალი შეზღუდვები 12 ფიზიკურ პირსა და 101 ორგანიზაციას...

ევროკავშირმა უკრაინისთვის €8 მილიარდის გადარიცხვა დაამტკიცა

ევროკავშირის საბჭომ Ukraine Facility-ს პროგრამის ფარგლებში კიევისთვის თითქმის 8 მილიარდი ევროს გადარიცხვა დაამტკიცა, რაც...