ჯერ კიდევ დარწმუნებული არ ვართ, მაგრამ გამოვდივართ იმ მოცემულობიდან, რომ საქმე ეხება ტერორისტულ აქტს, – განაცხადა გერმანიის ფედერალურმა კანცლერმა ანგელა მერკელმა გუშინ ბერლინის ცენტრში მომხდართან დაკავშირებით –  საშობაო ბაზრობაზე სატვირთო ავტომანქანის შევარდნის შედეგად, სულ მცირე, 12 ადამიანი გარდაიცვალა. დაშავებულია 50 მოქალაქე..

ანგელა მერკელმა გერმანელებს თხოვნით მიმართა, რომ შიშმა არ მოახდინოს მათი პარალიზება. „აღნიშნული ფაქტი გამოძიებული იქნება ბოლო დეტალამდე და დასჯილი იქნება გერმანიის კანონმდებლობის შესაბამისად. ჯერ კიდევ დარწმუნებული არ ვართ, მაგრამ გამოვდივართ იმ მოცემულობიდან, რომ საქმე ეხება ტერორისტულ აქტს“, – აღნიშნა გერმანიის ფედერალურმა კანცლერმა ანგელა მერკელმა.

 

მერკელის განცხადებით, რთულია მომხდარის მიღება, განსაკუთრებით იმის გათვალისწინებით, რომ აღნიშნული ჩაიდინა ადამიანმა, რომელმაც გერმანიაში თავშესაფარი მოითხოვა. უამრავი ლტოლვილია, რომლებსაც სურთ გერმანიაში ინტეგრირება, და  გერმანია მოძებნის თავის თავში ძალებს, რათა ვიცხოვროთ ისე, როგორც გვსურს, თავისუფლები ერთმანეთთან გვერდიგვერდ“, – დასძინა მერკელმა.