” საქართველო მზადაა, რუსეთის დელეგაცია მიიღოს, ეს ადვილი არ იქნება და ამას ადვილად არ მიიღებს ქართველი ხალხი, მაგრამ ეს არის ის, რასაც გავაკეთებთ, რადგან ორგანიზაციის (ევროპის საბჭოს-რედ.) პრინციპებს ვცემთ პატივს”, – განაცხადა სალომე ზურაბიშვილმა სტრასბურგში
14-15 მაისს თბილისში ევროსაბჭოს მინისტრთა შეხვედრაა დაგეგმილი. როგორც “რია ნოვოსტი” წერს, მსგავსი მასშტაბის ღონისძიებებზე რუსეთის დელეგაციას, როგორც წესი, სერგეი ლავროვი ხელმძღვანელოს.
“საქართველო მიიღებს ევროპის საბჭოს ქვეყნების დელეგაციებს და ამ ღონისძიებისთვის საქართველო აპირებს გადააბიჯოს საკუთარ საკანონმდებლო აქტს, რომელიც უკრძალავს სხვა ქვეყნის მოქალაქეებს ოკუპირებულ ტერიტორიებზე შესვლას, გარდა იმ შემთხვევებისა, როცა ეს ხდება თბილისის გავლით. ეს კანონი (“კანონი ოკუპირებული ტერიტორიების შესახებ”-რედ.) შესაძლოა შეხებოდა რუსეთის დელეგაციის ზოგიერთ წევრს, – განაცხადა სალომე ზურაბიშვილმა სტრასბურგში გამოსვლისას.