ფოთში, მალთაყვას უბანში 30-მდე თურქული ტრაილერია გაჩერებული. მძღოლები ამბობენ, რომ საკვების მარაგი ამოეწურათ, მაღაზიები კი მათგან შორსაა.
მათი თქმით, მანქანებს საპატრულო პოლიცია არ აძლევს გადაადგილების უფლებას ამის მიზეზის ყოველგვარი განმარტების გარეშე.
შინაგან საქმეთა სამინისტროს ინფორმაციით, ტრაილერების გაჩერება თურქეთის საბაჟოსა და ფოთის პორტში შექმნილ ვითარებას უკავშირდება. – თურქეთის მხრიდან არ არის მოხსნილი შეზღუდვები რჩება გადაადგილებასთან დაკავშირებით, ხოლო ფოთის პორტში პრობლემები შექმნა უამინდობამ, რის გამოც მუშაობა შეფერხებულია.
ახლა მთელი დატვირთვა ბათუმის პორტზე მოდის, ამიტომ ამ მიმართულებით ტრაილერების, სატვირთო მანქანების გადაადგილება რეგულირდება იმგვარად, რომ მათი გადაადგილება ეტაპობრივად განხორციელდეს.