თბილისში ბეჟან გუნავა დააკავეს და ხელწერილის საფუძველზე გაათავისუფლეს. – ინფორმაციას ამის შესახებ საქართველოს პირველ არხი ავრცელებს.
არსებული ინფორმაციით, გუნავას დღეს 24 იანვარს საბურთალოზე ავტოავარია მოუვიდა – ავტომობილით სხვა მსუბუქ ავტომობილს დაეჯახა, და შემთხვევის ადგილი მიატოვა. მოგვიანებით კი მიბრუნდა და მძღოლს სიტყვიერად დაუპირისპირდა. მან წინააღმდეგობა გაუწია ადგილზე მყოფ პოლიციასაც, რის შედეგადაც ის დააკავეს.
როგორც შსს-ს პრესსამსახურში აცხადებენ, მომხდართან დაკავშირებით გამოძიება ადმინისტრაციულ სამართალდარღვევათა კოდექსის 166-ე და 173-ე მუხლებით დაიწყო, რაც წვრილმან ხულიგნობას და სამართალდამცავი ორგანოს თანამშრომლის მოთხოვნისადმი დაუმორჩილებლობას გულისხმობს.
გარდა ამისა, ბეჟან გუნავა ავტოსაგზაო შემთხვევის გამო დაჯარიმდა.