საზოგადოებრივი მოძრაობა „ლელოს“ დამფუძნებელმა მამუკა ხაზარაძე ხვალ ზუგდიდში რეგიონულ ოფისს გახსნის და ოფისის ხელმძღვანელს წარადგენს. ამ პოსტს ენმ-ს ყოფილი წევრი ალექსანდრე ახვლედიანი დაიკავებს.ღონისძიება 13:00 საათზე “ლელოს” რეგიონულ ოფისში გაიმართება.
მამუკა ხაზარაძემ 12 სექტემბერს საზოგადოებრივი მოძრაობა „ლელო” დააფუძნა და პირობა დადო, რომ მოგვიანებით მას პარტიად გარდაქმნიდა და 2020 წლის არჩევნებში მიიღებდა მონაწილეობას. მან საზოგადოებრივი მოძრაობის პრეზენტაციაზე განაცხადა, რომ მათ რიგებში ცნობილი პოლიტიკოსები არ იქნებიან, მის გეგმაშია თითოეული სფეროდან 12 ყველაზე წარმატებული ადამიანის მოძიება და შემოკრება.