საზოგადოებრივი მაუწყებლის პირველ არხზე საკადრო ცვლილებები გრძელდება. როგორც დღეს გახდა ცნობილი სპორტულმა კომენტატორმა დავით მინაშვილმა არხის სპორტული დეპარტამენტი დატოვა, მინაშვილი შესაბამისად არც სპორტულ პირდაპირ ეთერს გაუძღვება. პირველი არხის მენეჯმენტის გადაწყვეტილებით, რეორგანიზაციის შედეგად არხზე სპორტული გადაცემების დეპარტამენტს რესპუბლიკური პარტიის წევრის, დავით ზურაბიშვილის შვილი, გიორგი ზურაბიშვილი უხელმძღვანელებს, რომელიც ამავე დროს პარლამენტის თავმჯდომარის დავით უსუფაშვილის ნათლულიცაა. ახალი ხელმძღვანელი არხზე ახალი გუნდით უკვე მივიდა და მის გუნდში შედიან გიგა გვენცაძე, დათო ბანანაშვილი და ლევან ღუდუშაური. გუშინ კი არხის პირდაპირ ეთერში უკვე გავიდა ახალი გუნდის მიერ კომენტირებული მატი. რაც შეეხევა დავით მინაშვილს, სპორტული კომენტატორის ბოლო პირდაპირი ეთერი არხზე 12 აგვისტოს, სუპერთასის ფინალზე იყო, რომლის შემდეგ მინაშვილი შვებულებაზე გავიდა. როგორც საზოგადოებრივ მაუწყებელში ამბობენ, დავით მინაშვილი არხის სხვა განყოფილებაში გადავა. აქვე შეგახსენებთ, რომ ცოტა ხნის წინ პირველი არხიდან სპორტული კომენტატორი სანდრო ცნობილაძე დაითხოვეს.
ავტორი: ლევან კალანდია