Economist intelligence unit-ის დემოკრატიის დემოკრატიის ინდექსის 2019 წელს გამოქვეყნებული ანგარიშის თანახმად, გასული წლის მანძილზე საქართველოში დემოკრატიის ხარისხი გაუარესდა. კვლევაში დემოკრატიის მთავარ მაჩვენებლად განსაზღვრულია საარჩევნო პროცესის მსვლელობა და მთავრობის მიერ გატარებული პოლიტიკური ღონისძიებები. ამერიკული გამოცემის მიერ გამოქვეყნებული რეიტინგებით სახელმწიფოები 0-დან 10-მდე სკალაზე შეაფასეს, სადაც საქართველოს 5,42 ქულა აქვს დაგროვილი, რითაც იგი ჰიბრიდული რეჟიმის მქონე ქვეყნების სიაში მოხვდა.

ECONOMIST-ი ჰიბრიდული რეჟიმების კლასიფიკაციის გამოყოფს რამდენიმე მიზეზს მის განმსაზღვრელ ფაქტორად: არჩევნები ტარდება ხარვეზებით, საარჩევნო პროცესში ბევრი დარღვევა ფიქსირდება- არ არის თავისუფალი და სამართლიანი გარემო, ხშირია შემთხვევები ოპოზიციონერებზე ხელისუფლების მხრიდან ზეწოლები, სისტემური ხასიათი აქვს კორუფციასა და კანონის უზენაესობაც ეჭქვეშაა დაყენებული.

კვლევების შედეგად დადგინდა, რომ სამხრეთი კავკასიის ქვეყნებიდან დემოკრატიის ყველაზე მაღალი მაჩვენებელი სომხეთში ფიქსირდება, რომელმაც უკანასკნელ პერიოდში განხორციელებული რეფორმების ფონზე საგრძნობი პროგრესი განიცადა. წინა შეფასებისგან განსხვავებით ოფიციალურმა ერევანმა 1.43 ქულით გაზარდა თავისი დემოკრატიული ინდექსი გასულ წელთან შედარებით და ამჟამად შეადგენს 5,54 ქულას.