საქართველოს თავდაცვის მინისტრი თინა ხიდაშელი პენტაგონში შეერთებული შტატების თავდაცვის უწყების ხელმძღვანელს ეშტონ კარტერს შეხვდა. შეხვედრისას მხარეებმა რეგიონული უსაფრთხოების საკითხებსა და აშშ-საქართველოს შორის არსებული კავშირების შესახებ იმსჯელეს. განსაკუთრებული ყურადღება გამახვილდა ორმხრივი ურთიერთობების კიდევ უფრო გაძლიერების შესაძლებლობებზე, ამერიკული მხარის მიერ აღინიშნა, რომ საქართველო თავდაცვისუნარიანობის გაძლიერების გზაზე მარტო არ დარჩება.
პენტაგონის ოფიციალურ ვებგვერდზე ვრცელდებაინფორმაცია იმის შესახებ, რომ მერიკის შეერთებული შტატები საქართველოსთვის 2015 წელს საქართველოს შეიარაღებული ძალების დახმარების მიზნით დამატებით 20 მილიონი დოლარის ოდენობის დამხარების გამოყოფას გეგმავს.
"თავდაცვის მდივანმა კარტერმა თავდაცვის მინისტრ ხიდაშელს საქართველოს მიერ ავღანეთში შეტანილი წვლილისთვის მადლობა გადაუხადა. კარტერმა ასევე აღნიშნა, რომ აშშ, თავის მოკავშირეებთან ერთად, საქართველოს მხარდამჭერი რჩება ნატო-საქართველოს კომისიის და ნატო-საქართველოს არსებითი პაკეტის ფარგლებში, რომელიც 2014 წლის უელსის სამიტზე შეთანხმდა", – განაცხადა შეხვედრის შემდეგ პენტაგონის პრესსპიკერმა პიტერ კუკმა.