ზუგდიდის ცენტრში ნიკა ლაშხიამ და როსტომ ზარანდიამ თბილისელი პოეტის ნიკა ჩერქეზიშვილის მხარდასაჭერად სოლიდარობის აქცია მოაწყვეს , რომელიც საგარეო საქმეთა სამინისტოდან გიორგი კვირიკაშვილის მინისტრობის დროს გაათავისუფლეს.მან კანცელარიის  წინ შიმშილობა დაიწყო.აქციის მონაწილეებმა მოუწოდეს საზოგადოებას მხარი დაგვიჭირონ ნიკა ჩერქეზიშვილს, რათა  მისი გაუსაძლისი ყოფა შეაჩერონ.ნიკა ჩერქეზიშვილმა 11 დეკემბერს დაიწყო აქცია მთავრობის კანცელარიასთან. ის სამსახურიდან გათავისუფლებას აპროტესტებს და აღდგენას ითხოვს. ჩერქეზიშვილი 2015 წლის 30 ოქტომბერამდე, საგარეო საქმეთა სამინისტროს სახელმწიფო შესყიდვების უზრუნველყოფის სამსახურის უფროსად, 6 თვის გამოსაცდელი ვადით მუშაობდა. 30 ოქტომბერს ის გაათავისუფლეს და მიზეზად დაასახელეს, რომ არის არაკომპეტენტური და კონფლიქტური. ნიკა ამბობს, რომ ამ 6 თვის განმავლობაში არცერთი შენიშვნა არ მიუღია, ამიტომ მისი გათავისუფლება სრულიად უსამართლო და დაუსაბუთებელი იყო. ნიკა ჩერქეზიშვილმა სასამართლოს ერთი წლის წინ მიმართა. სასამართლომ მისი სარჩელი არ დააკმაყოფილა. ამიტომ, მან პროტესტის სხვა გზას მიმართა.