პარტია ნაციონალური მოძრაობის წევრი გივი თარგამაძე საქართველოს მთავარ პროკურატურაშია დაბარებული. ამის შესახებ ინფორმაცია რუსთავი 2-ს პარლამენტის ყოფილმა წევრმა დაუდასტურა.თარგამაძე საქართველოს მთავარ საგამოძიებო უწყებაში 13:00 საათზე უნდა გამოცხადდეს.
"დამიკავშირდნენ პროკურატურიდან და მითხრეს, რომ უნდა გამაცნონ ჩემი ავტომობილის აფეთქების საქმეზე არსებული მასალები, რასაც აქამდე ვითხოვდი და პროკურატურა უარს მეუბნებოდა," – განუცხადა რუსთავი 2-ს გივი თარგამაძემ.შეგახსენებთ, რომ პარტია ნაციონალური მოძრაობის წევრის, გივი თარგამაძის ავტომობილი 2016 წლის 4 ოქტომბერს ორბელიანის მოედანზე ააფეთქეს. 2016 წლის 17 ოქტომბერს შინაგან საქმეთა სამინისტრომ გივი თარგამაძის მანქანის აფეთქების საქმე გახსნილად გამოაცხადა. საქმეზე ერთი პირი დააკავეს და ერთს ბრალი დაუსწრებლად წარუდგინეს.
.