ოპოზიცია ვარაუდობს, რომ ლარის გაუფასურების გამო კომუნალურ მომსახურებაზე ტარიფები გაიზრდება, წინააღმდეგ შემთხვევაში გოცირიძე ამ დარგის ნგრევას პროგნოზირებს.„შეიძლება ჩავთვალოთ, რომ ქვეყანას არ ჰყავს ეროვნული ბანკი და მთავრობა. 180 მილიონი გადაყარეს სექტემბერში და ოქტომბერში ინტერვენციების სახით, რომ ლარი დაეჭირათ 2,30-ზე და საჩუქარი მიერთმიათ წინასაარჩევნოდ მთავრობისათვის. ამ ვითარებაში, ლარის ამ კურსის შენარჩუნებისათვის, წყალი, შუქი, გაზი და ნებისმიერი რეგულირებადი ტარიფი ან გაიზრდება ან ეს დარგი დაინგრევა, ან ბიუჯეტიდან უნდა მოხდეს სუბსიდირება, რათა ამ ორგანიზაციებმა გააგრძელონ არსებობა,“-განაცხადა რომან გოცირიძემ.