ოპოზიცია ეხმაურება Human Rights Watch-ის 2020 წლის ანგარიშს , სადაც საქართველოსთან დაკავშირებით ყურადღება რამდენიმე საკითხზეა გამახვილებული. მათ შორის არის სამართალდამცავების დაუსჯელობა, მედიის თავისუფლება და ანტინარკოტიკული პოლიტიკა.
ერთიანი ნაციონალური მოძრაობის დეპუტატი, სალომე სამადაშვილი აცხადებს, რომ ,, ეს ანგარიში არის დიდი შავი ლაქა ქართული ოცნებისა და ბიძინა ივანიშვილის ხელისუფლებაზე . ეს ანგარიში აისახება შემდგომ სახელმწიფო დეპარტამენტის ანგარიშებში, სხვა ძალიან მნიშვნელოვან შეფასებებში და კიდევ ერთხელ ძალიან ნეგატიურად იმოქმედებს ჩვენი ქვეყნის იმიჯზე.”
ამ ძალიან გავლენიანმა საერთაშორისო ორგანიზაციამ უარყოფითად შეაფასა ქვეყანაში მიმდინარე დემოკრატიული პროცესები, რაც ისედაც ცნობილი იყო ჩვენთვის მაგრამ კიდევ ერთხელ ადასტურებს თუ რამდენად ცუდად მოქმედებს ქვეყნის საერთაშორისო პრესტიჟზე ის რასაც აკეთებს ივანიშვილის ხელისუფლება საქართველოში. – ამბობს ევროპული საქართველოს” დეპუტატი სერგი კაპანაძე – ცალკე აღსანიშნავია, რომ HRW საუბრობს თუ როგორ მიმდინარეობდა შეტევა თავისუფალი მედიის წინააღმდეგ, მიმდინარეობდა შეტევა რუსთავი 2-ის წინააღმდეგ, შემდეგ ტვ.პირველის წინააღმდეგ. ასევე ტვ.მთავარის დამფუძნებლის წინააღმდეგ. ასე რომ ეს ჯამში იწვევს მედია პლურალიზმის გაუარესებას.”“