მცირე ხნის წინათ სტამბულის ცენტრში, კერძოდ, ბეშიკტაშის რაიონში საფეხბურთო სტადიონის უშუალო სიახლოვეს აფეთქება მოხდა. – ცნობას ამის შესახებ სააგენტო Hurriyet ავრცელებს. აფეთქების ადგილზე ხანძარი გაჩნდა, მის ჩასაქრობად მობილიზებულია სახანძრო –სამაშველო სამსახურები .
წინასწარი მონაცემებით, აფეთქება თავისი ხასიათით ძალიან გავს ტერორისტულ აქტს – იგი განხორციელდა დანაღმული ავტომანქანის გამოყენებით. თურქეთის მედიაში გამოითქმის ვერსია, რომ ეს ერთი აფეთქება არ ყოფილა, პირველს თითქმის რამდენიმე წამში მეორეც მოყვა.
თურქეთის შს მინისტრი სულეიმან სოილუ მედიასაშუალებებითვის მიცემულ ინტერვიუში აცხადებს, რომ აფეთქების შედეგად დაშავდა 22 ადამიანი, ყველა მათგანი სამართალდამცავი სტრუქტურების წარმომადგენელია. სოციალურ ქსელებში ვრცელდება შემთხვევის ადგილზე გადაღებული ფოტოები, რომელზედაც ჩანს რომ დაშავებულები სწორედ პოლიციელები არიან.