მინისტრის საცხოვრებელ მისამართზე რეგისტრირებული კომპანია, რომელსაც სახელმწიფოსთვის დაახლოებით მილიონი ლარი მართებს – ახალგაზრდა იურისტთა ასოციაცია მთავრობის შემადგენლობის ერთ-ერთ წევრზე ინფორმაციას გაასაჯაროებს.არასამთავრობო ორგანიზაციაში განმარტავენ, რომ მინისტრის სახელს რამდენიმე კომპანია უკავშირდება, თუმცა სახელმწიფოს ვალი მხოლოდ ერთ-ერთ კომპანიას აქვს.ახალგაზრდა იურისტების განცხადებით, დადგინდა, რომ კომპანია კვლავ მინისტრის საცხოვრებელი სახლის მისამართზეა რეგისტრირებული, რაც მათი თქმით, აჩენს ეჭვს, რომ მინისტრს ამ კომპანიასთან დღემდე აქვს კავშირი.იურისტების შეფასებით, შესაბამისი სტრუქტურები მსგავს საკითხებს უფრო მეტ ყურადღებას უნდა აქცევდნენ.
„სახელმწიფო განსაკუთრებულ ყურადღებას უნდა აქცევდეს მის მიერ საკუთრებაში ან დროებით სარგებლობაში გადაცემულ ქონებას. იმისათვის, რომ ვიცოდეთ ასრულებენ თუ არა ინვესტორები მათ მიერ აღებულ ვალდებულებას. მნიშვნელოვანია ის გარემოება, რომ თავად ეს კონკრეტული კომპანია დაკავშირებულია ერთ-ერთ მინისტრთან, რეგისტრირებულია მინისტრის საცხოვრებელ სახლში. არის რეალური საფუძველი იმისა ვივარაუდოთ, რომ მინისტრსა და ამ კომპანიას შორის კავშირი არ არის გაწყვეტილი,“ – აცხადებს სულხან სალაძე.