ოდესის ოლქის გუბერნატორმა მიხეილ სააკაშვილმა პოლიციის სწავლებებში პირადად მიიღო მონაწილეობა და განაცხადა, რომ ახალი პოლიცია პროკურატურისა და ხელისუფლების სხვა ძალოვანი ორგანოების განახლების გარეშე წარმოუდგენელია.
„დღეს დილას 09:30 საათზე შინაგან საქმეთა სახელმწიფო უნივერსიტეტში ახალი საპატრულო პოლიციის წვრთნები ჩატარდა ოდესის გუბერნატორის, მიხეილ სააკაშვილის მონაწილეობით“, – იტყობინება გუბერნატორის პრესსამსახური.
ახალი საპატრულო პოლიციის ვარჯიში ოდესის შინაგან საქმეთა სახელმწიფო უნივერსიტეტში დღეს, 18 აგვისტოს, დილით გაიმართა. ყველა ვარჯიში – ევაკუაცია, ავტომობილის გაჩერება და ა.შ გუბერნატორმა პოლიციელებთან ერთად შეასრულა. თვითმხილველების თქმით, პოლიციელებთან ერთად, გუბერნატორმა მონაწილეობა მიიღო სამართალდამრღვევის დოკუმენტების შემოწმებასა და „დაჭრილი მოქალაქის“ ავტომობილში გადაყვანაში. ყველაფერთან ერთად სააკაშვილი პატრულის მანქანის საბარგულშიც ჩაძვრა.