,,თუ უკრაინის მოქალაქეობას ჩამომართმევენ, საერთაშორისო აეროპორტის სატრანზიტო ზონაში ვიცხოვრებ'' – განაცხადა საქართველოს ყოფილმა პრეზიდენტმა და უკრაინის ახალი ოპოზიციური ძალების ლიდერმა მიხეილ სააკაშვილმა Deutsche Welle-ს რუსულენოვანი გამოცემისთვის მიცემულ ინტერვიუში. 

 

სააკაშვილის თქმით, პრემიერ-მინისტრის პოსტი მის მიზანს არ წარმოადგენს. მას უკრაინაში პოლიტიკური თამაშის წესების შეცვლის პროცესის მნიშვნელოვანი მონაწილე დ ყოფნა სურს. 

 

„ჩემთვის თანამდებობა არ არის თვითმიზანი. ჩემი მიზანია ვიყო იქ, სადაც ყველაზე მეტად შევძლებ დავეხმარო უკრაინაში ახალი პოლიტიკური კლასის ჩამოყალიბებას “, – განაცხადა მიხეილ სააკაშვილმა.

 

საქართველოს ყოფილი პრეზიდენტი თვლის, რომ როგორც კი მის პოლიტიკურ ძალას რადაში „ძლიერი უმრავლესობა“ ექნება, ის ნებისმიერ კანონს მიიღებს.

 

„ჩვენ შევძლებთ პრეზიდენტის ვეტოს დაძლევას და შევძლებთ იმპიჩმენტის გამოცხადებას“, – დასძინა მიხეილ სააკაშვილმა.

 

 სააკაშვილმა ასევე განაცხადა, რომ დარწმუნებულია, ვადამდელ საპარლამენტო არჩევნებს უკრაინაში  მის მიერ შექმნილი „ახალი ძალების მოძრაობა” მოიგებს