უკრაინის უმაღლეს რადაში დარეგისტრირდა უკრაინის შს მინისტრის არსენი ავაქოვისათვის მოვალეობის შეჩერების შესახებ პროექტის დადგენილება. რადაში მისი გადაყენების საკითხი მას შემდეგ დადგა, რაც კიევის მახლობლად მდებარე დაბა კნიაჟიჩში ტრაგედია დატრიალდა – 4 დეკემბერს სახელმწიფო დაცვის სამსახურსა და პოლიციას შორის ატეხილ სროლებს 6 სამართალდამცავის სიცოცხლე ემსხვერპლა. ამ დროს მინისტრი სამუშაო ვიზიტით კანადაში იმყოფებოდა და განცხადებაში, რომელიც მომხდართან დაკავშირებით ორი დღის ფიქრის შემდეგ, გუშინ გააკეთა , განაცხადა, რომ ვიზიტს წყვეტს.
რაც შეეხება დადგენილებას, მან თავდაჯერებულად განაცხადა, რომ პარლამენტის ვებგვერდზე გამოქვეყნებული ეს დადგენილებაც უშედეგო იქნება.
,,ეს უკვე 63-ე დადგენილების პროექტია, რომელიც რადაში ჩემი გადაყენების საკითხზე დარეგისტრირდა .. ,,მე აქ ვერ ვხედავ საშინელებას, თუ უნდათ, მეორეც დადონ ,ღმერთმა ქნას, ჩვენმა ხბოებმა მგელს გაუგონ"- თქვა მან.