23 წლის ზუგდიდელი ბაიკერის დავით შამათავას ჯანმრთელობის მდგომარეობა კვლავ მძიმეა. ახალგაზრდა ბაიკერს სახის რამდენიმე გადაუდებელი ოპერაცია და სისხლის გადასხმა ესაჭიროება. დაშავებული ამჟამად ქუთაისის კატასტროფის ცენტრშია მოთავსებული, უმძიმესი მდგომარეობიდან გამომდინარე მას ყოველდღიურად სისხლის გადასხმა ესაჭიროება. დავით შამათავას მეგობრები სოციალური ქსელის მეშვეობით ყველას მოუწოდებენ დახმარებისთვის, ამ მიზნით მათ ტელეფონის ნომერი გაავრცელეს საკონტაქტოდ. დახმარების მსურველებს შესაძლებლობა აქვთ დარეკონ ამ ნომერზე: 555 57-78-24
ავტოსაგზაო შემთხვევა 16 აგვისტოს ხამისკურში მოხდა. ოპელის მარკის ავტომანქანა ორ, მოტოციკლეტით მიმავალ ახალგაზრდას დაეჯახა. შეჯახების შედეგად ადგილზე გარდაიცვალა ერთ-ერთი ბაიკერი ნიკუშა ნარმანია, ხოლო შემთხვევის შედეგად გადარჩენილი დავით შამათავა ზუგდიდის რეფერალურ საავადმყოფოში გადაიყვანეს.