ონლაინ სესხების აკრძალვასთან დაკავშირებით მთავრობის ინიციატივას ეროვნული ბანკის პრეზიდენტი გამოეხმაურა.კობა გვენეტაძე არ გამორიცხავს, შესაბამისი კანონპროექტის მიღების შემდეგ, კომპანიები რომლებიც ონლაინ სესხებს გასცემენ, მიკროსაფინანსო ორგანიზაციებად გადაკეთდეს.
„გარკვეულწილად იქნება კიდევაც და იყო კონსულტაციები ონლაინ სესხების კომპანიებთან და როდესაც იქნება ეს კანონპროექტი, მასში გაწერილი იქნება ყველა დეტალი. იყო ასეთი ინფორმაცია, რომ რაღაც ალბათობით ბევრი ონლაინ სესხების კომპანია შესაძლებელია გადაკეთდეს მიკროსაფინანსო ორგანიზაციად. შესაძლოა, ეს კანონპროექტი ან ერთ ეტაპზე, ან მეორეზე შეიცვალოს და ძალიან ნუ გავუსწრებთ მოვლენებს წინ,“ – განაცხადა კობა გვენეტაძემ.