ოკუპანტების ტყვეობიდან გათავისუფლებული ვაჟა გაფრინდაშვილის პირველი კომენტარი სახელმწიფო უსაფრთხოების სამსახურმა გაავრცელა. ვაჟა გაფრინდაშვილის თქმით, გათავისუფლება მისთვისაც მოულოდნელი იყო:
“სრულიად მოულოდნელად, არც ველოდებოდი, რომ დღეს ასე მოხდებოდა. 31 დეკემბერს იყო სააპელაციო სასამართლოს სხდომა ჩანიშნული, რომელზეც თავს ვიკავებდი. ჯერ ემოციებით ვარ დატვირთული. პირველ რიგში, მადლობა მინდა, ვუთხრა ყველას, ვინც გულთან მიიტანა ჩემი ეს სიტუაცია, მთავრობა იქნება, პარლამენტი, პოლიცია თუ უშიშროება. პირველ რიგში მადლობა ჩემს ლამაზ მეუღლეს და ბრწყინვალე შვილებს. ასევე, მადლობა ყველა ჩემს მეგობარს, რომლებიც თვენახევრის განმავლობაში გვერდზე მედგნენ. მინდა, ყველას დიდი მადლობა გადავუხადო,” – განაცხადა ვაჟა გაფრინდაშვილმა.