რუსეთის პრეზიდენტი ვლადიმერ პუტინი ოკუპირებული აფხაზეთის ე.წ. პრეზიდენტ რაულ ხაჯიმბასთან დღეს, მოსკოვში შეხვედრას გამართავს. შეხვედრაზე ორმხრივი თანამშრომლობისა და მოკავშირეობისა და სტრატეგიული პარტნიორობის შესახებ შეთანხმების განხორციელების საკითხებს განიხილავენ „2016 წლის 1 დეკემბერს მოსკოვში რუსეთის პრეზიდენტსა და აფხაზეთის პრეზიდენტს შორის შეხვედრა შედგება. შეხვედრის ფარგლებში დაგეგმილია ორმხრივი თანამშრომლობის გაღრმავების პერსპექტივების განხილვა, მათ შორის 2014 წლის 24 ნოემბრის შეთანხმება რუსეთის ფედერაციასა და აფხაზეთის რესპუბლიკის შორის მოკავშირეობასა და სტრატეგიულ პარტნიორობაზე“, – ნათქვამია კრემლის პრესსამსახურის განცხადებაში.
განსაკუთრებული ყურადღება დაეთმობა რუსეთის მხრიდან აფხაზეთისთვის სოციალურ-ეკონომიკურ სფეროში განვითარების უზრუნველყოფის მექანიზმების გაუმჯობესების საკითხს.პუტინსა და ხაჯიმბას შორის ბოლო შეხვედრა 2016 წლის თებერვალს მოსკოვში შედგა.