საქართველოს პრეზიდენტის მორიგი სკანდალური განცხადება – სალომე ზურაბიშვილი ამბობს, რომ “კონფლიქტური რეგიონების გარდა, საზღვარი პრობლემურია აზერბაიჯანთან და სომხეთთან”.
სწორედ ამ სკანდალურმა განცხადებამ შესაძლოა ქვეყანა დიპლომატიურ სკანდალში გახვიოს.
პირველ არხთან საუბრისას ზურაბიშვილმა ნატოში გაწევრიანებაზე საუბრისას განაცხადა, რომ აუცილებელია საზღვრების დადგენა საერთაშორისოდ აღიარებულ ფარგლებში. სწორედ მაშინ ახსენა ქვეყნის პირველმა პირმა აზერბაიჯანი და სომხეთი.
“ჯერ ერთი, ყველაფერი, ყველა მოქმედება საგარეო კუთხით, არის შეთანხმებული, კონსტიტუცია ამას მოითხოვს. მეორე, პრეზიდენტი არის პასუხისმგებელი უშუალოდ ტერიტორიის მთლიანობაზე და მათ შორის საზღვრებზე. ჩვენ ძალიან ბევრი რამე გვინდა, ხან NATO-ში შესვლა, ხან ევროკავშირში. ეს ყველაფერი, ყველა ჩვენი მთავარი პრიორიტეტი, რომელიც გვიწერია კონსტიტუციაში, დამოკიდებული არის იმაზე, რომ ჩვენ, სახელმწიფოს გვქონდეს თავისი აღიარებული საზღვრები. ჩვენ საზღვარი მხოლოდ კონფლიქტურ რეგიონებთან კი არა გვაქვს, როგორც პრობლემატური საზღვარი, ასევე აზერბაიჯანთან და სომხეთთან”- თქვა ზურაბიშვილმა.