შეიარაღებული ძალების სპეციალური ოპერაციების ძალებმა 17 წლის იუბილე აღნიშნეს. ღონისძიებას ვაშლიჯვრის ბაზაზე თავდაცვის მინისტრი, გენერალური შტაბის უფროსი, აშშ-ის ელჩი და ესტონეთის პარლამენტის ეროვნული თავდაცვის კომიტეტის თავმჯდომარე დაესწრნენ.საიუბილეო ღონისძიების ფარგლებში ქართველმა და ამერიკელმა სამხედროებმა საჩვენებელი ტაქტიკური სწავლება გამართეს.პირველი სპეცდანიშნულების ჯგუფი 1992 წლის 22 ნოემბერს შეიქმნა. ნატოს წევრი ქვეყნის, თურქეთის, შეიარაღებული ძალების ინსტრუქტორთა დახმარებით ჩატარებული სპეცდანიშნულების საბრძოლო კურსი მაშინ 12-მა სამხედრო მოსამსახურემ წარმატებით დაასრულა.