საპროცედურო საკითხთა და წესების კომიტეტმა პარლამენტის გამოკლებული წევრის, ნიკა მელიას ადგილმონაცვლის, ბადრი ბასიშვილის კანდიდატურას მხარი დაუჭირა. კენჭისყრაში მონაწილეობა არ მიუღიათ უმრავლესობის წევრებს ენძელა მაჭავარიანს და კარლო კოპალიანს
კოპალიანის განცხადებით, ის მხარს არ დაუჭერს პარლამენტში ისეთი პირის ყოფნას, რომელიც მისივე თქმით, დარბევებში იღებდა მონაწილეობას. კოპალიანის შეფასებით, პარლამენტის მიერ ბადრი ბასიშვილისთვის მხარდაჭერა საკანონმდებლო ორგანოს სირცხვილი იქნება.
პარლამენტის ვიცე-სპიკერის, გიორგი კახიანის თქმით, ის ფაქტი, რომ თავისი დეპუტატის ნიკა მელიას უფლებამოსილების შეწყვეტის თაობაზე პარლამენტის გადაწყვეტილება “ნაციონალურმა მოძრაობამ” საკონსტიტუციო სასამართლოში არ გაასაჩივრა, ნიშნავს იმას, რომ პარლამენტმა სწორი გადაწყვეტილება მიიღო.
ნიკა მელიამმ განაცხადა, რომ დეპუტატის მანდატს ტოვებს. რომან გოცირიძე ნიკა მელიას გადაწყვეტილების შეფასებისგან თავს იკავებს, თუმცა აღნიშნავს, რომ პარლამენტში ფრაქცია ,,ნაციონნალური მოძრაობა” კვლავ იარსებებს.
რეგლამენტის მიხედვით, ბადრი ბასიშვილის უფლებამოსილება პარლამენტმა პლენარულ სხდომაზე უნდა სცნოს.