მთავარისიახლეებისაზოგადოება,,ამ ეტაპზე ცოტნე გამსახურდიას საზღვარგარეთ გადაყვანის საჭიროება არ დგას ''....

,,ამ ეტაპზე ცოტნე გამსახურდიას საზღვარგარეთ გადაყვანის საჭიროება არ დგას ”. – ჯანდაცვის მინისტრის მოადგილემ ზაზა ბოხუა

Published on

ცოტნე გამსახურდიას ჯანმრთელობის მდგომარეობა სტაბილურად მძიმეა, – ამის შესახებ ჯანდაცვის მინისტრის მოადგილემ ზაზა ბოხუამ ჟურნალისტებს საავადმყოფოში განუცხადა, სადაც პირველი პრეზიდენტის ვაჟი, ცოტნე გამსახურდია მოინახულა. ზაზა ბოხუას თქმით, ამ ეტაპზე არანაირი საჭიროება არ დგას იმისა, რომ ცოტნე გამსახურდიას საზღვარგარეთ ტრანსპორტირება მოხდეს. მისი თქმით, კონსილიუმი უკვე ჩატარდა და საჭიროება ასევე არ მოითხოვს, რომ გაფართოებულ ფორმატში კონსილიუმი კიდევ ჩატარდეს.

მისი თქმით, ის კოლეგებს ესაუბრა და ექიმები პაციენტის მდგომარეობის დინამიკას აკვირდებიან.

“ჩემს კოლეგებთან მქონდა შეხვედრა. მინითათბირი შედგა, რომლის მიხედვითაც შეფასდა დღევანდელი მდგომარეობა. მისი მდგომარეობა შეეფარდება ოპერაციის შემდგომ ვითარებას, რაც არის მძიმე. ის იმყოფება ხელოვნურ სუნთქვაზე, თუმცა იმყოფება სამკურნალო ნარკოზის ქვეშ. აქედან გამომდინარე, მდგომარეობა მძიმედ სტაბილურია, რადგან ოპერაციების მთელი კასკადია გადატანილი.მინდა კიდევ ერთხელ გავუსვა ხაზი, სამედიცინო პერსონალის ოპერატიულ მუშაობას, როგორც სასწრაფოს, ისე უშუალოდ, კლინიკის. მიმდინარეობს სათანადო მკურნალობა”, – განაცხადა ბოხუამ.

მისივე თქმით, ჩატარდა ქირურგიული, ტრავმატოლოგური, ანგელოგიური ოპერაციები. “მთლიანად გუნდი იყო ჩართული, რომელიც დამთავრდა ნეიროქირურგიული ოპერაციით. ამ შემთხვევაში მდგომარეობა ოპერციის შემდგომ სტაბილურია, თუმცა რჩება მძიმე, როგორც შეეფერება ამ ოპერაციების შემდგომ მდგომარეობას”,- განაცხადა ზაზა ბოხუამ.

თუ რა იარაღით აქვს მიყენებული გამსახურდიას ჭრილობები, მინისტრის მოადგილის თქმით, ამას სათანადო ორგანოები იტყვიან.

“ამ წუთას ოპერაციის შეფარდებით მდგომარეობა სტაბილურად მძიმეა. დღეს დამატებით ჩარევა არ სჭირდება და სათანადო მკურნალობის ქვეშ არის. საკმაოდ დიდი ოპერაციები ჩატარდა. რამდენიმე ოპერაცია მიმდინარობდა. აქედან გამომდინარე, სხვადასხვა ოპერაციას აქვს სხვადასხვა პერიოდი. ოპერაცია ჩატარდა გულმკერდის არეში, ჩატარდა ნეიროქირურგების ჩარევის მიხედვით”, – განაცხადა ზაზა ბოხუამ.

სიახლეები

ჟურნალისტ ელისო კილაძეს 10-წლიანი პატიმრობა მიესაჯა

ჟურნალისტ ელისო კილაძეს 10-წლიანი პატიმრობა მიესაჯა გადაწყვეტილება თბილისის საქალაქო სასამართლოში გამოცხადდა დღევანდელ სასამართლო პროცესზე დასკვნითი სიტყვის...

უსმან ნურმაგომედოვი და მისი თანაგუნდელები აბუ-დაბის ციხიდან გაათავისუფლეს

დაღესტნელი მებრძოლი უსმან ნურმაგომედოვი და მისი გუნდის წევრები არაბთა გაერთიანებულ საამიროების ციხიდან გაათავისუფლეს, -...

ევროკავშირმა რუსეთის წინააღმდეგ სანქციები გააფართოვა

ევროკავშირმა რუსეთის წინააღმდეგ სანქციების სია გააფართოვა. ახალი შეზღუდვები 12 ფიზიკურ პირსა და 101 ორგანიზაციას...

ევროკავშირმა უკრაინისთვის €8 მილიარდის გადარიცხვა დაამტკიცა

ევროკავშირის საბჭომ Ukraine Facility-ს პროგრამის ფარგლებში კიევისთვის თითქმის 8 მილიარდი ევროს გადარიცხვა დაამტკიცა, რაც...