ზვიად გამსახურდია
გენერალ-პოლკოვნიკ ალ.ინაურს
ჩემი მდგომარეობა ჯოჯოხეთზე უარესია.
არა იმის გამო,რომ პატიმარი ვარ,არამედ იმის გამო,რომ პოდპოლკოვნიკი მირიანაშვილი მიმართავს ფსიქოლოგიური წამების საზიზღარ მეთოდებს ჩემს მიმართ.
კერძოდ,იგი უკვე სამი დღეა,რაც მიმალავს ჩემი მეუღლის წერილს ჩემდამი,სადაც აღწერილია ჩემი ბავშვის მდგომარეობა.
როგორც ჩანს,ეს მდგომარეობა ძალზე მძიმეა,თორემ იგი არ დამიმალავდა ამ წერილს.როგორც ჩანს,ის გამოუცნობი დაავადება,რაც ჩემ ბავშვს სჭირს მიკროტალღური რადიაციითაა გამოწვეული,ან ტოქსიური გზით.
მე არაფერს არ მოვითხოვ თქვენგან,არც შეცოდებას,არც შეღავათს,დაე,ღმერთი იყოს ჩვენს შორის მსაჯული,მაგრამ მე მოვითხოვ დღესვე სასწრაფოდ შემატყობინონ ჩემი ბავშვის მდგომარეობა,თორემ მე თავად დავუდებ ზღვარს ჩემს წამებას.
მე მგონი თქვენ გაგაჩნიათ მამობრივი გრძნობა,წარმოიდგინეთ თქვენი თავი ჩემს დღეში.გაფიცებთ თქვენ შვილებს,შვილიშვილებს,ყველას ვინც გიყვართ,დღესვე შემატყობინეთ ,როგორ არის ჩემი ბავშვი,მოთმინების ფიალა ამოიწურა
1977.14 აპრილი