"ქალბატონო ელენე, ნუ შემაწყვეტინებთ, მე არც ბავშვობაში, ძველბიჭობაში არ გეჯიბრებოდით, გახსოვთ ეს, მე წიგნს ვკითხულობდი" – ასე მიმართა იუსტიციის მინისტრობის კანდიდატმა ენმ-ის წევრს ელენე ხოშტარიას კომიტეტების გაერთიანებულ სხდომაზე.
ერთიანი ნაციონალური მოძრაობის დეპუტატის რეპლიკაზე – "ნამდვილად არ მახსოვხართ", წულუკიანმა უპასუხა – "მე მახსოვხართ, არც ფეხბურთში არ გეჯიბრებოდით, ამიტომ ჩვენ ყოველთვის სხვადასხვა ადგილას ვიყავით და ვართ, მე როცა წიგნს ვკითხულობდი, თქვენ ძველბიჭობდით პლეხანოვზე. ეს არ არის ჩემი სტილი. ახლა, მე ასევე გისამძიმრებთ იმას, რომ სანდრო გირგვლიანის მეგობარი ზიხართ იქ, სადაც ზიხართ, ოთო კახიძის გვერდით. გისამძიმრებთ. ვიმედოვნებ, დროებითი მორალური კრახია. კაცი, რომელიც ვანოს იცავს, იმის გვერდით ზიხართ თქვენ".